Իրաքի արտգործնախարարությունն արձագանքել է թուրքական կողմի հայտարարություններին՝ 2 օր առաջ Դոհուկում տեղի ունեցած հարձակման վերաբերյալ:
Իրաքի ԱԳՆ-ը Թուրքիայի հայտարարությունը որակել է, որպես «սև կատակ», և հավելել, որ իրաքյան դիվանագիտությունը չի ընդունում դա:
INA-ի փոխանցմամբ՝ Իրաքի արտգործնախարարության խոսնակ Ահմեդ Ալ-Սահաֆը տեղեկացրել է, որ երեկ Թուրքիայի դեսպան Ալի Ռեզա Գյունային հանձնվել է խիստ բողոքի նոտա:
Ալ-Սահաֆն ավելացրել է, որ այս վերջին հարձակումը Իրաքում իրականացված թուրքական հարձակումների շարքում ամենալուրջ է և այն ոչ մի համակարգում չունի Իրաքի կառավարության հետ:
Խոսնակը նաև անդրադարձել է Թուրքիայի այն պնդմանը, թե իբր գոյություն ունի համաձայնագիր, որը թույլ է տալիս ներթափանցել Իրաքի տարածք՝ նշելով որ այդ պնդումը իրականության հետ կապ չունի: Նա մասնրամասնել է, որ կա միայն նախորդ ռեժիմի և Անկարայի միջև կնքված արձանագրություն, որը պարտավորեցնում է ստանալ Իրաքի կառավարության համաձայնությունը, իսկ ներխուժումը չպետք է գերազանցի 5 կմ-ը:
Ալ-Սահաֆը տեղեկացրել է, որ հնարավոր է դիմել ՄԱԿ ԱԽ-ին՝ շտապ նիստ հրավիրել՝ «քննարկելու թուրքական ագրեսիան և որոշում ընդունել, որը երաշխավորում է Իրաքի անվտանգությունն ու անվտանգությունը»։
Հիշեցնենք, որ երեկ Իրաքում ինքնավար Քուրդիստանի Դոհուկ նահանգում՝ Զախո հանգստավայրում թուրքական հարձակման հետևանքով սպանվել է 9 զբոսաշրջիկ, վիրավորվել՝ ևս 23-ը: Թուրքական կողմը հերքում է իրեն ուղղված մեղադրանքները՝ մեղքը բարդելով քուրդ զինյալների վրա:
Հետևեք մեզ տելեգրամում
