Թուրքական մամուլ. «Պուտինը շեղում է Թուրքիայի ուշադրությունը, իսկ Ասադը՝ հարձակվում»

Նախօրեին թուրքական լրատվամիջոցների ուշադրության կենտրոնում էր Սիրիայի Իդլիբ նահանգում կառավարական ուժերի կողմից իրականացված հրետակոծության դեպքը, որի հետևանքով 5 թուրք զինվոր էր սպանվել, ևս 5-ը վիրավորվել էին։

Ստորև ներկայացված են թուրքական առաջատար լրատվամիջոցների արձագանքը՝ տեղի ունեցած միջադեպի առնչությամբ։

Sözcü: «Հերիք է շատախոսենք, պետք է անենք այն ինչ անհրաժեշտ է։ Մենք կկոտրենք նրանց ձեռքերը, ովքեր մեր զինվորների վրա համարձակվել են ձեռք բարձրացնել»։

Türkiye: «Վերջ բանակցություններին, ժամանակն է վրեժ լուծել։ Մինչ Ռուսաստանն ու Թուրքիան բանակցում էին, Ասադը հարձակվեց մեզ վրա։ Մենք Ասադին պետք է պատժենք»։

Sabah: «Մենք մի քանի անգամ պետք է վրեժ լուծենք»։

Hürriyet: «Եվս մի ստորություն Ասադի կողմից։ Մինչ ռուս-թուրքական բանակցություններ էին ընթանում Ասադը իրականացրեց հարձակում թուրքական դիտակետի վրա»։

Milliyet: «Ասադի ուժերը ծանր կորուստներ կունենան»։

YeniŞafak: «Վերջ բանակցություններին»։

Akşam: «Մեր համբերության բաժակը լցվեց»։

Karar: «Պուտինը շեղում է մեր ուշադրությունը, իսկ Ասադը հարձակվում մեզ վրա»։

Milli Gazete: «Ռուսաստանը մեզ ծուղակի մեջ է գցում»։

Aydınlık: «Էրդողանին ծուղակն են գցում։ Շատ վտանգավոր դրություն է»։

Ortadoğu: «Մեր համբերության բաժակը լցվեց ։ Ռուսաստանն ու Սիրիան ահաբեկչության դեմ պայքարի անվան տակ կրակ են բացում, ինչի հետևանքով մարդիկ փախնում են Թուրքիա։ Նախորդ շաբաթ նույնպես Ասադը մեր զինվորներին սպանեց։ Ասադը մեր թիրախի տակ է»։

Yeniçağ: «Սիրիան նորից հարձակվեց»։