Հայաստանում Իրանի դեսպանությունը պատրաստ է ընդլայնել համակողմանի համագործակցությունը տնտեսական ակտիվիստների հետ։ Այս մասին հայտարարել է Հայաստանում Իրանի դեսպան Աբբաս Զոհուրին՝ Զանջանի Առևտրի պալատի պատվիրակության հետ մասնագիտացված հանդիպման ժամանակ:
Դեսպան Զոհուրին հայկական շուկան որակել է որպես մրցունակ շուկա և հավելել, որ մրցունակ երկրներ մուտք գործելը կարևոր սկզբունք է, որը պետք է իրականացվի բարձր չափանիշներով և պրոֆեսիոնալ քայլերով։
Իրանի դեսպանն ավելացրել է, որ վերջին վեց ամիսների ընթացքում Իրանի արտահանումը Հայաստան նախորդ տարվա համեմատ աճել է 37 տոկոսով՝ հասնելով 560 միլիոն դոլարի: Նրա խոսքով՝ Թեհրանը, Հայաստանի իշխանությունների հետ համագործակցելով, մտադիր է այն հասցնել 1 միլիարդ դոլարի։
«Հարկ է նշել, որ Հայաստանը, շատ անվտանգ, հուսալի և ամուր կամուրջ է այլ երկրների, այդ թվում՝ Եվրասիական տնտեսական միության, Եվրամիության և մնացած երկրների հետ առևտրային փոխանակումների համար»,- հայտարարել է Զոհուրին:
Հետևեք մեզ տելեգրամում
