Իրանի ԱԳՆ խոսնակ Նասեր Քանանին հայտարարել է, որ պաշտոնական Թեհրանը նախապայմաններ չունի Սաուդյան Արաբիայի հետ բանակցություններում:
Քանանին կոչ է արել Ռիյադին երկկողմ հարաբերությունների բարելավման համար կառուցողական մոտեցում որդեգրել:
«Սաուդյան Արաբիայի կողմից ցանկացած կառուցողական քայլին Իրանը կարձագանքի համապատասխան կերպով»,- հայտարարել է խոսնակը:
Նշենք, որ Սաուդյան Արաբիայի և Իրանի միջև դիվանագիտական հարաբերությունները խզվել են դեռևս 2016 թվականին: Վերջին շրջանում Իրաքի միջնորդությամբ կողմերի միջև կայացել են բանակցությունների մի քանի փուլեր, սակայն լիարժեք և վերջնական կարգավորման մասին դեռ վաղ է խոսել: Մայիսին Սաուդյան Արաբիայի արտգործնախարար Մուհամմադ բըն Ֆայսալը հայտնել էր, որ բանակցություններում առաջընթաց կա, սակայն «ոչ բավարար»:
Հետևեք մեզ տելեգրամում
