Միացյալ Նահանգները ծրագրում է Սաուդյան Արաբիայում ռազմական փորձարկման կենտրոն ստեղծել: Այս մասին գրում է NBC լրատվամիջոցը՝ վկայակոչելով ամերիկացի երեք պաշտոնյաների, որոնք ցանկացել են անանուն մնալ:
NBC-ի տվյալներով՝ ապագա հաստատությունում կփորձարկվեն նոր տեխնոլոգիաներ՝ ԱԹՍ-ների դեմ պայքարի համար, ինչպես նաև կմշակվեն ու կփորձարկվեն օդային և հակահրթիռային պաշտպանության հնարավորությունները: Ծրագիրը դեռևս մշակման փուլում է:
Հաղորդվում է, որ հաստատությունը կոչվելու է «Red Sands ինտեգրված փորձարարական կենտրոն»: Այն խթանելու է ԱՄՆ-ի և նրա մերձավորաևելյան գործընկերների միջև համագործակցությունը՝ թրեյնինգների անցկացման և ընդհանուր պատրաստվածության համատեքստում:
Ուշագրավ է, որ «Red Sands»-ի գաղափարն առաջարկել է ԱՄՆ Կենտրոնական հրամանատարության (CENTCOM-ի) հրամանատար գեներալ Մայքլ Կուրիլլան, ով հուլիսին այցելել էր Սաուդյան Արաբիա: Ինչպես հաղորդում է քննարկումների բովանդակությանը ծանոթ ամերիկացի պաշտոնյան՝ վերոնշյալ գաղափարը հավանության է արժանացել Սաուդյան Արաբիայում:
Նշենք, որ Red Sands-ը անապատային կարմիր ավազաթմբերով պատված տարածք է, որը գտնվում Սաուդյան Արաբիայի մայրաքաղաք Ռիյադից ոչ շատ հեռու։
Հետևեք մեզ տելեգրամում
