Իրանի խորհրդարանի ազգային անվտանգության և արտաքին քաղաքականության հանձնաժողովի նախագահի առաջին տեղակալ Էբրահիմ Ազիզին, անդրադարձել է Թուրքիայի ու Ադրբեջանի ծրագրերին տարածաշրջանում:
«Ադրբեջանը Թուրքիայի հրահրմամբ ձգտում է Հայաստանի ու Իրանի միջև հեռավորություն ստեղծել՝ կտրելով Իրանի ու Եվրոպայի միջև կապը: Այստեղ երևում է նաև պանթյուրքիստական հոսանքների դերը: Որպես գլխավոր դերակատարներ՝ Ադրբեջանն ու Թուրքիան աշխարհաքաղաքական փոփոխության են հետամուտ, ինչն իր հերթին ծրագրվել է Անգլիայի կողմից: Այս իրավիճակում Իրանը կտրականապես դեմ է ցանկացած աշխարհաքաղաքական փոփոխության, միաժամանակ զարգացնում է հարևանների հետ փոխգործակցությունը՝ բարիդրացիության և ճանաչված սահմանների նկատմամբ հարգանքի հիման վրա: Այս հարցերը ոչ մի կերպ չպետք է հանգեցնեն տարածաշրջանում քաղաքական փոփոխությունների և պաշտոնական դարձնեն Ադրբեջանի ներկայությունը Իրանին սահմանակից Զանգեզուրում: Եթե Ադրբեջանը գրավի Զանգեզուրի միջանցքը, նրանք այդ միջանցքով կկապվեն Նախիջևանին, այնտեղից էլ Թուրքիային, այս կերպ կարադարացվի նաև տարածաշրջանում ՆԱՏՕ-ի ներկայությունը»,-ասել է նա:
Ըստ նրա՝ Թուրքիան հետամուտ է Օսմանյան կայսրության կամ թուրանական միջանցքի երազանքի իրագործմանն: Ադրբեջանն ու Թուրքիան չպետք է դառնան այս ամենի դերակատարները և հեգեմոն համակարգերի ազդեցության տակ հիմնարար փոփոխություններ առաջացնեն տարածաշրջանում: «Իրանն ուշադրությամբ կհետևի զարգացումներին»,-եզրափակել է նա։
Իրանցի բարձրաստիճան պաշտոնյա. «Ադրբեջանը Թուրքիայի հրահրմամբ ձգտում է Հայաստանի ու Իրանի միջև հեռավորություն ստեղծել»
Հետևեք մեզ տելեգրամումՎերջին լուրեր
