Իրանական տարբեր լրատվական-վերլուծական գործակալություններ շարունակում են անդրադառնալ Իրանի հյուսիսային շրջաններում ԻՀՊԿ-ի ցամաքային զորքերի զորավարժությունների նշանակությանը և հարավկովկասյան նոր զարգացումներին։
Region Monitor-ը ստորև առանձնացրել է հարավկովկասյան նոր զարգացումների պատճառների վերաբերյալ իրանական վերլուծական դաշտում տեղ գտած դիտարկումներում հետևյալ շեշտադրումները.
1․ Զորավարժությունների բնույթը թշնամիներին ու բարեկամներին Իրանի ռազմական հզորության ցուցադրումն է՝ թշնամիների համար սարսափ ստեղծելու և բարեկամներին խաղաղության ուղերձը փոխանցելու համար։
2․ Բաքվի ռեժիմը, հյուրընկալելով Մոսադի սպաներին և իր տարածքում իսրայելական բազաներ հիմնելով, կասկածի տակ է դնում տարածաշրջանի անվտանգությունը, ինչը բնականաբար ուղեկցվում է Իրանի պատասխան արձագանքով։
3․ Ադրբեջանն ու Թուրքիան փորձում են Իրանին վերցնել փակուղու մեջ՝ Սյունիքում ստեղծելով միջանցք, քանզի Եվրամիության հետ Իրանի ամենաէժան կապը անցնում է Հայաստանով։ Եթե այս երթուղին փակվի, Իրանը ստիպված կլինի անցնել Թուրքիայի տարածքով։
4․ Կովկասում տեղի ունեցող նոր անախորժությունները կապված են «ՆԱՏՕ-ի Թուրանի միջանցքի» հետ, որը հովանավորվում է Անգլիայի և «սիոնիստական ռեժիմի» կողմից, իսկ այս դավադրության իրականացնողները Թուրքիան և Ադրբեջանն են։
5․ Ուկրաինայում Ռուսաստանի կողմից կրած պարտությունների պատճառով ՆԱՏՕ-ն ավելի շատ հակված է ռուսներին պատասխան տալ Կովկասում, և Սյունիքում միջանցքի կառուցումով:
Հետևեք մեզ տելեգրամում
