Իրանի նախագահ Էբրահիմ Ռայիսին հայտարարել է, որ ՀՀ վարչապետ Նիկոլ Փաշինյանի այցը Թեհրան երկու երկրների հարաբերությունների զարգացման համար շրջադարձային կետ կլինի: Այս մասին Ռայիսին ասել է ՀՀ վարչապետի հետ հանդիպմանը, փոխանցում է IRNA-ն:
Ռայիսին ընդգծել է, որ Իրանը զգայուն է Կովկասում տարածաշրջանային զարգացումների նկատմամբ՝ հավելելով, որ այս տարածաշրջանը Իրանի պատմության, քաղաքակրթության և մշակույթի մաս է:
«Կովկասում անվտանգությունն ու կայունությունը Իրան համար շատ կարևոր է: Հայաստանի վարչապետի հետ բանակցություններում երկուստեք ընդգծվել է, որ տարածաշրջանային խնդիրների լուծումը պետք է լինի տարածաշրջանի ձեռքում, և օտարների ցանկացած միջամտություն խնդիրները լուծելու փոխարեն միայն խնդիրներ է ստեղծելու: Կովկասի հնարավորությունները կարող են այս տարածաշրջանում կայուն անվտանգություն և խաղաղություն երաշխավորել»,-ասել է ԻԻՀ նախագահը:
Ռայիսին նաև հավելել է, որ երկու երկրների միջև առևտրաշրջանառությունը 43 վերջին ամիսներին հայ-իրանական առևտուրը 43 տոկոս աճ է գրանցել: Այս համատեքստում նա շեշտել է, որ անհրաժեշտ է առևտրաշրջանառության ծավալը հասցնել 3 մլրդի:
Հետևեք մեզ տելեգրամում
