Իրանի նախագահ Էբրահիմ Ռայիսին գոհունակություն է հայտնել հայ-իրանական հարաբերությունների զարգացման տեմպի առնչությամբ:
«Իրանում և Հայաստանում առկա լայն հնարավորությունները հաշվի առնելով՝ անհրաժեշտ է, որպեսզի ջանքեր գորադրենք երկկողմ հարաբերությունների մակարդակի բարձրացման և համագործակցության ընդլայնման համար»,- Իրանի նախագահի խոսքերը հաղորդում է նախագահական գրասենյակը:
Ռայիսին հավելել է, որ Իրանը պատրաստ է ընդլայնել համագործակցությունն առևտրատնտեսական այլ ոլորտներում ևս՝ այդ թվում ինժեներատեխնիակական ծառայությունների մատուցման ոլորտում։
Իրանի նախագահը նաև շեշտել է, որ երկկողմ առևտրաշրջանառության ծավալը պետք է հասցնել 3 մլրդ-ի։
Ադրադառնալով տարածաշրջանային զարգացումներին՝ Ռայիսին հավելել է, որ Կովկասում խաղաղությունն ու կայունությունն Իրանի համար շատ կարևոր է:
«Իրանը միշտ պատրաստ է օգտագործել իր բազմազան և արդյունավետ կարողությունները Կովկասյան տարածաշրջանում խաղաղության և անվտանգության հաստատման և ամրապնդման համար»,- ասել է Ռայիսին:
Նիկոլ Փաշինյանն իր հերթին մանրամասներ է ներկայացել Սոչիի հանդիպումից։ Նա շնորհակալություն է հայտնել, որ Ռայիսիի կառավարությունը հարևանների հետ հարաբերությունների զարգացումն առաջնահերթություն է սահմանել։
Փաշինյանը նաև կոչ է արել Պարսից ծոց-Սև ծով միջանցքի զարգացման համար ամրապնդել երկկողմ տարանցիկ համագործակցությունը։
Հայաստանի վարչապետը նաև շնորակալություն է հայտնել տարածաշրջանում Իրանի կառուցողական դիրքորոշման համար և ընդգծել, որ Իրանի ջանքերը միշտ ողղված են եղել տարածաշրջանում խաղաղության և անվտանգության հաստատմանն ու ամրապնդմանը։
Հետևեք մեզ տելեգրամում
