Միացյալ Նահանգները մտահոգ է Սաուդյան Արաբիայի վրա Իրանի պոտենցիալ հարձակման առնչությամբ: Նման տեղեկություն է տարածել Սպիտակ տան պաշտոնյան:
«Մենք անհանգստացած ենք սպառնալիք պարունակող լուսանկարով, և ռազմական ու հետախուզական ուղիներով մշտական կապի մեջ ենք սաուդցիների հետ», – ասել է Ազգային անվտանգության խորհրդի պաշտոնյան Al Arabiya English-ի հարցմանն ի պատասխան:
Պաշտոնյան հավելել է, որ Վաշինգտոնը չի վարանի պաշտպանել տարածաշրջանում Միացյալ Նահանգների շահերն ու գործընկերներին։
Նշենք, որ Իրանի սպառնալիքի մասին լուրերը առաջինը տարածել է ամերիկյան The Wall Street Journal-ը:
Թերթը, վկայակոչելով Սաուդյան Արաբիայի և ԱՄՆ պաշտոնյաներին, հաղորդում է, որ Սաուդյան Արաբիան, ԱՄՆ-ը և Մերձավոր Արևելքի այլ երկրներ բարձրացրել են իրենց զինված ուժերի զգոնության մակարդակը:
Ավելի ուշ Associated Press-ը մեջբերել էր ամերիկացի պաշտոնյայի խոսքերը, թե հարձակումը կարող է տեղի ունենալ «շուտով կամ 48 ժամվա ընթացքում»:
Հետևեք մեզ տելեգրամում
