Իսրայելում Կենտրոնական ընտրական հանձնաժողովը հայտնել է, որ ընտրությունների քվեների 93,2%-ն արդեն հաշվարկվել է: Ակնկալվում է, որ ձայների ամբողջական հաշվարկն այսօր է ավարտվելու:
Ըստ նախնական հաշվարկների՝ առաջատարը շարունակում է մնալ նախկին վարչապետ Բենիամին Նեթանյահուի «Լիկուդ» կուսակցությունը:
Նախատեսվում է, որ Նեթանյահուի դաշինքը նոր Քնեսեթում մեծամասնություն է կազմելու՝ 120 տեղանոց խորհրդարանում զբաղեցնելով 65 տեղ:
Նշենք, որ նախընտրական քարոզարշավի ընթացքում «Լիկուդ» կուսակցությանը աջակցում էին աջաթևյան «Կրոնական սիոնիստական կուսակցությունը», «Շասը» և «Միացյալ Թորայի կուսակցությունը»: Սակայն Նեթանյահուն դեռևս պետք է բանակցություններ վարի վերոնշյալ կուսակցությունների հետ նրանց աջակցությունը պահպանելու համար՝ հատկապես նոր ձևավորվելիք կառավարությունում պաշտոնների ստանձնման առնչությամբ:
Հիշեցնենք, որ ներկայումս ընթանում է Բենիամին Նեթանյահուի դատական գործը: Նա մեղադրվում է կաշառակերության մեջ:
Հետևեք մեզ տելեգրամում
