ԱՄՆ նախագահ Ջո Բայդենը հայտարարել է, որ շուտով Միացյալ Նահանգները «կազատագրի» Իրանը:
«Մի՛ անհանգստացեք, մենք կազատագրենք Իրանը։ Նրանք բավականին շուտով կազատագրեն իրենք իրենց»,- Կալիֆոռնիայում նախընտրական ելույթի ընթացքում ասել է Բայդենը, երբ տասնյակ ցուցարարներ դրսում հավաքվել էին իրանցի ցուցարարներին աջակցող պաստառներով։
Բայդենի այս հայտարարությանը արձագանքել են Իրանում: Մասնավորապես Իրանի նախագահ Էբրահիմ Ռայիսին նշել :
«Ես ասում եմ Բայդենին, որ Իրանն ազատագրվել է 43 տարի առաջ»,- հեռուստատեսությամբ ասել է Ռայիսին:
«Պարո՛ն Բայդեն, դադարեցրե՛ք ձեր կեղծավոր պահվածքը: Սպիտակ տունն ավելի ու ավելի է խրախուսում բռնությունն ու ահաբեկչությունը Իրանում տեղի ունեցած վերջին անկարգությունների ընթացքում՝ միևնույն ժամանակ փորձելով միջուկային համաձայնության հասնել»,- Twitter-ում գրել է Իրանի արտգործնախարար Հուսեյն Ամիրաբդոլլահիանը։
Հետևեք մեզ տելեգրամում
