Սիրիական կողմը պատրաստակամություն է հայտնում առավել խորացնել հայ-սիրիական հարաբերությունները և ամրապնդել պատմական կապերն՝ ի շահ երկու բարեկամ ժողովուրդների և երկրների։ Այս մասին հայտարարել է Հայաստանում Սիրիայի արտակարգ և լիազոր դեսպան, տիկին Նորա Արիսյանը՝ «Օրբելի» տեղեկատվական-վերլուծական կենտրոնի հետ զրույցում:
Դեսպան Արիսյանը հիշեցրել է, որ երկու երկրների միջև դիվանագիտական հարաբերությունների հաստատման 30-ամյակի կապակցությամբ Սիրիայի արտաքին գործերի և սփյուռքի նախարար Ֆեյսալ Ալ-Միկդադը և Հայաստանի արտաքին գործերի նախարար Արարատ Միրզոյանը ուղերձներ են փոխանակել՝ շեշտելով, որ հայ-սիրիական բարեկամական հարաբերությունները հետագա տարիներին առավել կընդլայնվեն և կամրապնդվեն։
Անդրադառնալով Սիրիայում հայկական սփյուռքի խնդիրներին՝ տիկին դեսպանը շեշտել է, որ Սիրիան աջակցություն է ցուցաբերել հայկական վնասված եկեղեցիների, դպրոցների և հայերի արհեստանոցների վերաշինության համար:
«Սա մի հանգամանք է, որն ապացուցում է Սիրիայի նախագահ Բաշար Ասադի ղեկավարության տեսլականի մասին՝ պահպանելու հայկական պատմամշակութային արժեքները Սիրիայում»,- ընդգծել է Արիսյանը՝ ավելացնելով, որ «սիրիահայերը օգտվում են Սիրիայի սահմանադրությամբ ճշտված բազմազանության պահպանման իրավունքներից»:
Դեսպան Արիսյանը նաև հավելել է, որ հայկական սփյուռքի համար մասնագիտացած հայերեն լեզվի դասավանդումը գերակշիռ տեղ է գրավում դիմագրաված զանազան խնդիրների շարքում:
Հարցազրույցն ամբողջությամբ՝ այստեղ:
Հետևեք մեզ տելեգրամում
