Համաձայն Global Passport Power Rank 2022-ի վերջին հրապարակումի՝ Արաբական Միացյալ Էմիրությունները տրամադրում է աշխարհի ամենահզոր անձնագիրը:
Ըստ հրապարակման՝ ԱՄԷ-ն գերազանցում է նաև այնպիսի երկրների, ինչպիսիք են Գերմանիան, Շվեդիան, Ֆինլանդիան և Լյուքսեմբուրգը:
ԱՄԷ անձնագիրը հնարավորություն է տալիս ճանապարհորդել մեծ թվով երկրներ առանց վիզայի: Մասնավորապես, էմիրաթական անձնագիր ունեցողները կարող են առանց վիզայի մուտք գործել 121 երկիր, իսկ ժամանելուն պես վիզա ստանալ ևս 59 երկրում: Նրանց վիզա է պետք ընդամենը 19 երկրի համար: Այսինքն էմիրաթական անձնագիր ունեցողները կարող են մուտք գործել աշխարհի երկրների շուրջ 91%-ը՝ առանց նախօրոք վիզայի համար դիմելու:
ԱՄԷ-ն գերազանցում է նաև Միացյալ Նահանգներին: Եթե համեմատենք, ապա կարող ենք նշել, որ ամերիկյան անձնագիրը թույլ է տալիս առանց վիզայի մուտք գործել 109 երկիր, իսկ 26 պետություն ԱՄՆ քաղաքացիներից մուտքի վիզա է պահանջում նախապես: Այսպիսով՝ ԱՄՆ անձնագրի «աշխարհային հասանելիությունը» հաշվարկվում է աշխարհի երկրների 83%-ի համար:
Հետևեք մեզ տելեգրամում
