Իրանի խորհրդարանի ազգային անվտանգության հանձնաժողովի նախագահ Վահիդ Ջալալզադեն անդրադարձել է Ադրբեջանի կողմից Իսրայելում դեսպանատուն բացելու որոշմանը:
«Ադրբեջանում սիոնիստական ռեժիմի ներկայությունը դրական չենք գնահատում: Դա շատ հստակ փոխանցել ենք ադրբեջանցի գործընկերներին»,- հայտարարել է Ջալալզադեն:
Նրա խոսքով՝ Բաքուն Թեհրանի շահերին հակասող քայլ է կատարել՝ հավելելով, որ Իսրայելն օգտագործում է Արդբեջանի տարածքն Իրան ներթափանցելու համար:
«Մենք թույլ չենք տա, որ սիոնիստական ռեժիմը օգտագործի Ադրբեջանի տարածքը, հնարավոր բոլոր գործիքակազմով խոչընդոտելու ենք դրան»,- եզրափակել է Ջալալզադեն:
Ավելի վաղ հաղորդել էինք, որ Ադրբեջանի խորհրդարանը որոշում է կայացրել Թել Ավիվում դեսպանատուն բացել: Բաքվում դեռևս 1993 թվականից գործում է Իսրայելի դեսպանատունը: Ադրբեջանը Թել Ավիվում միայն 2021 թվականի հունիսին է առևտրային գրասենյակ բացել, իսկ սույն թվականին՝ տուրիստական գրասենյակ:
Հետևեք մեզ տելեգրամում
