2020 թվականի նոյեմբերի 9-ի հրադադարի մասին եռակողմ հայտարարության պայմանների ամբողջական կատարումը կարող է լինել երկու երկրների միջև տարաձայնությունների վերջնակետը: Այս մասին այսօր հայտարարել է Իրանի ԱԳՆ մամուլի խոսնակ Նասեր Քանանին՝ պատասխանելով Լաչինի միջանցքի արգելափակման վերաբերյալ իրանական ISNA լրատվական գործակալության հարցին:
Խոսնակը հիշեցրել է, որ պաշտոնական Թեհրանը կողմ է Ադրբեջանի և Հայաստանի միջև վեճերի խաղաղ լուծմանը։
Քանանին հույս է հայտնել, որ Լաչինի միջանցքի ապաշրջափակման հարցը արագ կլուծվի կողմերի միջև երկխոսության և խաղաղ ճանապարհով՝ միևնույն ժամանակ շեշտելով, որ տարածաշրջանում խաղաղության և կայունության հաստատումը պահանջում է խուսափել ավելորդ լարվածությունից:
Հետևեք մեզ տելեգրամում
