ԱՄՆ-ն աշխատում է իր գործընկերների հետ երկրաշարժից տուժած Սիրիային աջակցելու համար, սակայն դեմ է նախագահ Ալ-Ասադի վարչակարգի հետ համագործակցելուն:
«Մենք հանձնառու ենք տրամադրել այդ աջակցությունը, որպեսզի օգնենք սիրիացիներին վերականգնվել այս աղետից, ճիշտ այնպես, ինչպես մենք եղել ենք նրանց մարդասիրական առաջատար դոնորը հենց Սիրիայում պատերազմի սկզբից ի վեր», – ասել է ԱՄՆ պետքարտուղար Էնթոնի Բլինքենը:
«Այստեղ ուզում եմ ընդգծել, որ այդ միջոցները, միանշանակ, սիրիացի ժողովրդի համար են, այլ ոչ թե ռեժիմի: Դա չի փոխվելու»,- հավելել է Բլինքենը:
Նշենք, որ Միացյալ Նահանգները հրաժարվել է Սիրիայի նախագահ Բաշար Ասադի հետ հարաբերությունների կարգավորման կամ վերակառուցմանն ուղղված ցանկացած քայլից:
Ավելի վաղ հաղորդել էինք, որ Սիրայի ԱԳՆ-ը դիմել է ՄԱԿ-ի անդամ երկրներին և միջազգային այլ կազմակերպություններին՝ աջակցելու սիրիական կառավարության ջանքերին՝ դիմակայելու երկրում տեղի ունեցած ավերիչ երկրաշարժի հետևանքներին:
Սիրիայի արտգործնախարար Ֆեյսալ Միկդադը նշել է, որ ԱՄՆ-ի պատժամիջոցները զրկում են Սիրիային ամեն ինչից այն դեպքում, երբ մարդասիրական օգնությունը, միջազգային իրավունքի համաձայն, չի ենթարկվում պատժամիջոցների։
Հետևեք մեզ տելեգրամում
