Այսօր ՄԱԿ-ի մարդասիրական օգնության շարասյունը հասել է Սիրիայի ընդդիմության կողմից վերահսկվող հատվածներում երկրաշարժից տուժած բնակիչներին աջակցելու համար:
Ինչպես տեղեկացնում է Al Arabiya-ն, Թուրքիայից Բաբ Ալ-Հավա անցակետում նկատել են 6 բեռնատարներ, որոնք վրաններ և հիգիենայի պարագաներ էին տեղափոխում:
Ուշագրավ է, որ ընդդիմության վերահսկողության տակ գտնվող հատվածներ Բաբ ալ-Հավա անցակետով օգնության մատակարարման մեխանիզմը միակ ճանապարհն է, որով ՄԱԿ-ի օգնությունը կարող է հասնել բնակիչներին՝ առանց Սիրիայի կառավարական ուժերի կողմից վերահսկվող տարածքներով անցնելու:
ՄԱԿ-ի ներկայացուցիչը հայտնել է, որ թեև անցակետը չի տուժել երկրաշարժից, սակայն դեպի անցակետ տանող ճանապարհն է վնասվել, ինչն էլ իր հերթին խաթարում է բնականոն աշխատանքը:
Հիշեցնենք, որ Սիրիայի ԱԳՆ-ը դիմել էր ՄԱԿ-ի անդամ պետություններին աջակցություն ցուցաբերել Սիրիային՝ երկրաշարժից տուժած աղետի գոտիների բնակիչներին օգնելու համար: Երեկ ԱՄՆ պետքարտուղար Էնթոնի Բլինքենը հայտնել էր, որ աջակցությունը, միանշանակորեն ուղղվելու է Սիրիաի ժողովրդին, իսկ Վաշինգտոնի դիրքորոշումն Ալ-Ասադի վարչակարգի նկատմամբ մնալու է անփոփոխ:
Հետևեք մեզ տելեգրամում
