Մարդու իրավունքների սիրիական դիտարանը (SOHR) հաղորդել է, որ երեկ երեկոյան Իսրայելի ռազմաօդային ուժերը ավիահարվածներ են հասցրել Դամասկոսին:
Դիտարանի տեղեկություններով՝ սպանվել է 7 զինվոր և 15 քաղաքացիական անձ: Ավելի ուշ պարզ է դարձել, որ 15 զոհերից 7-ը սիրիացիներ են, իսկ մյուսների ինքնությունը դեռևս անհայտ է:
Դիտարանը հավելել է, որ Իսրայելի ԶՈՒ-ն թիրախավորել է այն վայրերը, որտեղ տեղակայված են իրանական զինված խմբավորումները և լիբանանյան Հեզբոլլահը՝ մասնավորապես Դամասկոսի արվարձանում գտնվող Սայիդա Զայնաբի և Ալ-Դիյաբիայի միջև ընկած հատվածը: Հարվածների հետևանքով բռնկվել են հրդեհ և պայթյուն:
Հաղորդվում է նաև, որ Իսրայելը թիրախավորել է նաև Քաֆր Սուսայում գտնվող իրանական դպրոցն ու թաղամասը:
Իր հերթին Սիրիայում ռուսական ռազմական կենտրոնի ղեկավարի տեղակալ Օլեգ Գորինովը հայտարարել է, որ Իսրայելի ռազմաօդային ուժերը հրթիռակոծել են Դամասկոսը՝ օգտագործելով 4 հատ F-16 դասի կործանիչներ։
Հետևեք մեզ տելեգրամում
