Իրանի ԱԳՆ խոսնակ Նասեր Քանանին արձագանքել է Իրանի հասցեին Իլհամ Ալիևի հայտարարությանը, երբ վերջինս Իրանի ոստիկանությանն անգործության մեջ է մեղադրել Թեհրանում Ադրբեջանի դեսպանատան վրա հարձակման առնչությամբ:
«Ավելի լավ է խուսափել խնդիրը քաղաքականացնելուց և քարոզչական նյութ դարձնելուց: Այս միջադեպի ոչ իրավական մեկնաբանությունների մեդիա նախագիծը գործի իրավական և դատական հետաքննության համար կառուցողական քայլ չէ»,- հայտարարել է Քանանին:
Խոսնակը նշել է, որ գործն իրավական ընթացքի մեջ է, իսկ միջադեպի բոլոր ասպեկտները քննվում են:
«Իրանի Իսլամական Հանրապետությունը պատրաստ է հետաքննության արդյունքները տրամադրել ադրբեջանական կողմին, և վստահ ենք՝ համագործակցության մթնոլորտում և կառուցողական դիրքորոշում որդեգրելով՝ Ադրբեջանի պաշտոնյաները կստանան իրենց հուզող բոլոր հարցերի պատասխանները»,- ընդգծել է Քանանին:
Հետևեք մեզ տելեգրամում
