Վրաստանի խորհրդարանում դարձյալ ծեծկռտուք է. (տեսանյութ)

Վրաստանի խորհրդարանում կրկին ծեծկռտուք է տեղի ունեցել:

Վրացական ԶԼՄ-ները գրում են, որ այսօր խորհրդարանի իրավական հարցերի հանձնաժողովի նիստում, երբ քննարկվում էին «Ժողովրդի ուժ» շարժման պատրաստած երկու օրենքների նախագծերը, վիճաբանություն է սկսվել պատգամավորների միջև:

Իսկ երբ հանձնաժողովի նախագահ Անրի Օխանաշվիլին կոչ է արել մանդատային ծառայությանը մի քանի պատգամավորների հեռացնել դահլիճից տեղերից բղավելու պատճառով, ծեծկռտուք է սկսվել:

Այս պահին հանձնաժողովի նիստում ընդմիջում է հայտարարված։

Նշենք, որ հանձնաժողովի նիստի օրակարգում նախատեսված է «Օտարերկրյա ազդեցության թափանցիկության մասին» և «Օտարերկրյա գործակալների գրանցման մասին» օրենքի նախագծերի առաջին ընթերցումը։