ԱՄՆ Ներկայացուցիչների պալատը մերժել է Սիրիայից ամերիկյան զորքերը դուրս բերելու մասին օրինագիծը:
Բանաձևը, որը ներկայացրել է Կոնգրեսի Ներկայացուցիչների պալատի պատգամավոր Մեթ Գետցը, քվեարկվել է 321 դեմ-103 կողմ հարաբերակցությամբ:
Բանաձևի համահեղինակ Մեթ Գետցը պնդել է, որ ԱՄՆ վարչակազմը պետք է բացատրի Սիրիայում ամերիկյան ուժերի ներկայությունը կամ դուրս բերի նրանց այնտեղից:
Նշենք, որ Սիրիայի հյուսիսում դեռևս տեղակայված է ամերիկյան 900 հոգանոց զինանձնակազմ: Իսկ վերջերս ամերիկյան կողմը հայտարարել էր, որ Եմենում սպանվել է «Իսլամական պետություն» ահաբեկչական կազմակերպության առանցքային առաջնորդներից մեկը:
Ուշագրավ է, որ 2019-ին ԻՊ-ը կորցրեց Իրաքում և Սիրիայում իր տարածքային վերահսկողությունը: Չնայած պարտությանը՝ «Իսլամական պետությունը» շարունակում է հարձակումներ գործել Սիրիայում և Իրաքում, որտեղ կազմակերպությունը նախկինում վերահսկողություն ուներ:
Հետևեք մեզ տելեգրամում
