Փետրվարի 23-ին Հայաստանի հետ սահմանին տեղի ունեցած միջադեպի հետևանքով ադրբեջանական կողմը կորուստներ է կրել: Ըստ Ադրբեջանի պետական սահմանապահ ծառայության՝ սպանվել է սահմանապահ Իբրահիմ Վելիևը:
Ադրբեջանը պնդում է հայկական կողմի նախաձեռնած դիվերսիոն գործողությունների մասին, մինչդեռ հայկական կողմը հայտնում է, որ փետրվարի 23-ին ադրբեջանական զինված ուժերի ստորաբաժանումները կրակ են բացել ՀՀ ԶՈւ ստորաբաժանումների մարտական դիրքերի ուղղությամբ:
ՀՀ պաշտպանության նախարարության մամուլի խոսնակ Արծրուն Հովհաննիսյանը տեղեկացրել է, որ կրակից վիրավորվել է հայ զինծառայող, վնասվածքը թեթև է, նրա կյանքին վտանգ չի սպառնում: Հայկական ԶՈւ ստորաբաժանումների պատասխան կրակից հետո ադրբեջանական կրակը դադարել է:
Հետևեք մեզ տելեգրամում
