Իրանը թույլ չի տա, որ Հայաստանի հետ սահմանը վերանա՝ հաշվի առնելով Երևանի հետ առկա լավ հարաբերությունները: Այս մասին հայտարարել է Իրանի խորհրդարանի պատգամավոր Ալիռեզա Մոնադին՝ անդրադառնալով Ադրբեջանի զորաշարժերին:
«Հայաստան ևս ցանկանում է, որ այդ սահմանը գոյություն ունենա, ուստի այս առումով որևէ մեկը չի կարող թյուր կարծիք ունենալ: Այս խնդիրը մեզ համար ոչ թե երկրի, այլ գումարտակի մասշտաբով լուծելու հարց է»,- շարունակել է Ալիռեզա Մոնադին:
Իրանցի պատգամավորը նաև կոչ է արել Ադրբեջանի նախագահին համաշխարհային տնտեսական ճգնաժամի պայմաններում չվտանգել սեփական ժողովրդի կյանքն ու անդորրը:
Հետևեք մեզ տելեգրամում
