Սաուդյան Արաբիայի արտգործնախարար Ֆեյսալ բին ֆարհանը և Իրանի ԱԳ նախարար Հոսեյն Ամիր Աբդոլլահիանը Ռամադանի (խմբ.՝ իսլամական պահք) ընթացքում կհանդիպեն: Այս մասին այսօր վաղ առավոտյան հաղորդել է սաուդական պետական լրատվամիջոցը:
Լրատվամիջոցը տեղեկացրել է, որ արտգործնախարարները հեռախոսազրույց են ունեցել, որի ընթացքում քննարկել են համատեղ հետաքրքրության մի շարք հարցեր՝ այդ թվում Չինաստանի հետ կնքված եռակողմ համաձայնությունը:
«Սաուդյան Արաբիան և Իրանը պայմանավորվել են հարգել միմյանց ինքնիշխանությունը և չմիջամտել ներքին գործերին», – ասվում է սաուդական պետական լրատվամիջոցի տարածած հայտարարության մեջ:
Հայտարարության մեջ նշվել է, որ երկու երկրների արտգործնախարարները շուտով կհանդիպեն՝ կազմակերպելու դիվանագիտական ներկայացուցիչների փոխանակումը և քննարկելու երկկողմ հարաբերություններն ամրապդնելու ուղիները:
Հետևեք մեզ տելեգրամում
