Տասնյակ հազարավոր իսրայելցիներ անմիջապես փողոց դուրս եկան՝ իրենց զայրույթն ու բողոքի ձայնը բարձրացնելու ընդդեմ Նեթանյահուի նախաձեռնած դատաիրավական բարեփոխումներին:
Ցուցարարներին զայրացրել էր հատկապես այն հանգամանքը, որ վարչապետ Նեթանյահուն պաշտպանության նախարար Յոավ Գալանտին պաշտոնանկ էր արել, քանի որ վերջինս ևս դեմ էր արտահատվել դատաիրավական բարեփոխումներին:
Թել Ավիվում ցուցարարները փակել են գլխավոր մայրուղին և մեծ խարույկներ վառել: Ոստիկանությունը ծեծկռտուքի մեջ է մտել ցուցարարների հետ, ովքեր երեկ գիշերը հավաքվել էին Երուսաղեմում Նեթանյահուի առանձնատան մոտ:
Իսրայելի խոշորագույն արհմիությունների խմբի ղեկավարը հայտարարել է, որ կարող է համընդհանուր գործադուլ։ Histadrut-ի նման որոշումը, որն ունի ավելի քան 700,000 աշխատակիցներ բազմաթիվ ոլորտներում՝ բանկերից մինչև տրանսպորտից և առողջապահական հաստատություններ, կարող է պարզապետ կաթվածահար անել Իսրայելի տնտեսության մեծ մասը:
Նշենք, որ ամիսներ ձգվող այս ցույցերն Իսրայելի պատմության մեջ ամենամեծամասշտաբ ցույցերն են: Ցույցերի պատճառը առաջարկվող դատաիրավական բարեփոխումներ են: Բենյամին Նեթանյահուի կառավարության առաջարկած դատաիրավական բարեփոխումները ենթադրում են, որ խորհրդարանական մեծամասնություն է որոշելու Գերագույն դատարանի դատավորների ընտրությունը, իսկ դատարանը կկորցնի կառավարության որոշումները բեկանելու ունակությունը։
Հետևեք մեզ տելեգրամում
