Վերջերս Իրանում ակտիվացել է Բաքվի լոբբին, որը իրանա-ադրբեջանական հարաբերությունների սրման մեղքը փորձում է բարդել Թեհրանի վրա: Նման տեսակետ է հայտնել Կովկասի հարցերով իրանցի փորձագետ Բորհան Հեշմաթիին՝ Arannews կայքում հրապարակված հոդվածում:
Փորձագետը շեշտել է, որ Բաքվի լոբբին հիմնականում մարդիկ են, ովքեր Կովկասի, Ադրբեջանի, Թուրքիայի ուղղություններով որևէ պաշտոն են ունեցել:
Նրա խոսքով՝ Բաքվի լոբբին Իրանի և Ադրբեջանի միջև հարաբերությունների սրումը փորձում է պայմանավորել Թեհրանի «սխալ քաղաքականությամբ»:
Հեշմաթին նշել է, որ անհրաժեշտ է վերահսկել Բաքվի լոբբիստական տարրերի գործունեությունը:
Նշենք, որ վերջին օրերին Բաքվում Իրանի նախկին դեսպաններ Աֆշար Սոլեյմանին և Մոհսեն Փաքայինը, ինչպես նաև խորհրդարանի նախկին պատգամավոր Նասեր Նասիրին հանդես էին եկել ադրբեջանամետ հոդվածներով և հարցազրույցներով, որոնք մեծ զայրույթ են առաջացրել իրանական փորձագիտական դաշտում:
Հետևեք մեզ տելեգրամում
