Սաուդյան Արաբիայի Նախարարների խորհուրդը հաստատել է Շանհայի համագործակցության կազմակերպությանը միանալու որոշումը։
Ինչպես հայտնում է Սաուդյան Արաբիայի պետական լրատվամիջոցը, թագավորությունը համաձայնել է ստորագրել Շանհայի համագործակցության կազմակերպությունում Սաուդյան Արաբիային երկխոսության գործընկերոջ կարգավիճակ տրամադրելու հուշագիրը։
Նշենք, որ Շանհայի համագործակցության կազմակերպությունը եվրասիական քաղաքական, տնտեսական և անվտանգության կազմակերպություն է, որի կազմի մեջ են մտնում նաև Ռուսաստանը, Հնդկաստանը և Չինաստանը։
Ուշագրավ է, որ անցյալ տարի Իրանը նույնպես կազմակերպությանը լիիրավ անդամակցելու առնչությամբ փաստաթղթեր է ստորագրել։
Al Arabiya-ն հավելել է, որ երկխոսության գործընկերոջ կարգավիճակը կլինի առաջին քայլը թագավորությանը լիիրավ անդամակցություն տալու համար։
Հետևեք մեզ տելեգրամում
