Ադրբեջանի արտաքին քաղաքականությունը դուրս է այս երկրի իշխանությունների վերահսկողությունից, և թշնամական պետություններն են փորձում ղեկավարել այն: Այս մասին գրել է իրանական Mashreqnews կայքը՝ անդրադառնալով վերջին շրջանում Իրան-Ադրբեջան հարաբերությունների լարվածությանը և Իսրայել-Ադրբեջան հարաբերությունների սերտացմանը:
Կայքը գրել է, որ այս ամենն իրականացվում է Թեհրանի դեմ միասնական ճակատն ամրապնդելու և հակաիրանական քարոզչությունն ուժգնացնելու համար։
Mashreqnews-ը նաև նշել է, որ վերջին ընթացքում Ադրբեջանի իշխանությունները մշտապես պատրվակ են փնտրում Թեհրանի նկատմամբ «հիստերիկ արձագանքների համար»:
«Մոսադի և ԿՀՎ սպաների այցելությունները Բաքու վկայում են այն մասին, որ Ադրբեջանի արտաքին քաղաքականությունը դուրս է այս երկրի իշխանությունների վերահսկողությունից, և թշնամական պետություններն են փորձում ղեկավարել այն»,- ընդգծել է լրատվամիջոցը։
Հետևեք մեզ տելեգրամում
