Հարյուրավոր քրդեր բողոքի ցույց էին իրականացրել Սուլեյմանիյա քաղաքում՝ ընդդեմ քաղաքի օդանավակայանի նկատմամբ թուրքական հարձակման:
Ինչպես հայտնում է իրաքյան SHAFAQ լրատամիջոցը, կիրակի մոտ 400 քուրդ ցուցարարներ դուրս են եկել Իրաքյան Քուրդիստանի տարածաշրջանային կառավարության Սուլեյմանիյա քաղաքի կենտրոնական հատված: Նրանք ծածանել են Իրաքյան Քուրդիստանի դրոշը և օդանավակայանի ռմբակոծությունը որպես «ահաբեկչական գործողություն» դատապարտող պաստառ են պահել:
Բողոքի ցույցերի ժամանակ ցուցարարները վանկարկել են «բռնապետ»՝ նկատի ունենալով Թուրքիայի նախագահ Ռեջեփ Թայիփ Էրդողանին:
Նշենք, որ ուրբաթ Իրաքյան Քուրդիստանի Սուլեյմանիյայի օդանավակայանը հրթիռակոծվել է թուրքական զինուժի կողմից:
The Wall Street Journal-ը, վկայակոչելով ԱՄՆ պաշտոնյաներին, հայտնել էր, որ օդանավակայանի հրթիռակոծման թիրախ է դարձել Սիրիայի դեմոկրատական ուժերի (SDF) քուրդ հրամանատար Մազլում Աբդիին: Սակայն SDF-ն հերքել է այս տեղեկատվություն՝ հավելելով, որ Մազլում Աբդին կատարում է իր պարտականությունները:
Հավելենք նաև, որ հարձակման պահին երեք ամերիկացի զինվորականներ են եղել Աբդիի հետ ավտոշարասյունում: Մարդկային կորուստներ չեն գրանցվել:
Հետևեք մեզ տելեգրամում
