Սաուդյան Արաբիայի բարձրաստիճան պաշտոնյաները երեկ ժամանել են Իրան՝ քննարկելու դիվանագիտական ծառայությունների վերսկսման հետ կապված հարցեր:
Ինչպես տեղեկացնում է Սաուդյան Արաբիայի արտգործնախարարությունը, սաուդ պաշտոնյաները քննարկել են Թեհրանում թագավորության դեսպանատան և Մաշհադում հյուպատոսության աշխատանքների վերագործարկմանն առնչվող մի շարք հարցեր:
Հիշեցնենք, որ Իրանն ու Սաուդյան Արաբիան դիվանագիտական հարաբերությունները խզել էին 2016 թվականին: Միայն վերջերս՝ սույն թվականի մարտին Չինաստանի միջնորդությամբ հայտարարություն է ստորագրվել Թեհրանի և Ռիյադի միջև՝ երկկողմ հարաբերությունների վերականգնման վերաբերյալ: Իսկ օրեր առաջ Պեկինում կայացավ Սաուդյան Արաբիայի և Իրանի արտաքին գործերի նախարարների հանդիպումը:
Հետևեք մեզ տելեգրամում
