Իսրայելի կառավարությունը հերքել է մամուլում տարածված հավաստի այն պնդումները, թե Իսրայելի արտաքին հետախուզական ծառայությունը՝ Մոսադը, աջակցել է դատաիրավական բարեփոխումների դեմ ընթացող համազգային բողոքի ցույցերին:
Իսրայելի վարչապետ Բենիամին Նեթանյահուի գրասենյակը կիրակի հայտարարություն է տարածել՝ նշելով, հրապարակված զեկույցն «առանց որևէ հիմքի է և վստահելի չէ»:
«Մոսադը և նրա բարձրաստիճան պաշտոնյաները չեն խրախուսել և չեն խրախուսում ծառայության անձնակազմին միանալ կառավարության դեմ ցույցերին, քաղաքական ցույցերին կամ քաղաքական որևէ գործունեությանը», – ասվում է հայտարարության մեջ:
Նշենք, որ շաբաթ The New York Times-ը զեկույց էր հրապարակել, համաձայն որի՝ Մոսադի ղեկավարությունը խրախուսել է իր անձնակազմին և Իսրայելի քաղաքացիներին միանալ բողոքի զանգվածային ցույցերին: Թերթը նշել է, որ նման տեղեկատվությունը հիմնված է Պենտագոնի փաստաթղթերի արտահոսքի վրա:
Հետևեք մեզ տելեգրամում
