Հայաստանը դարպաս է Իրանի համար դեպի Եվրոպա և ԱՊՀ, ուստի շատ կարևոր է ծանոթանալ Հայաստանի տնտեսական, առևտրային հնարավարություններին: Նման տեսակետ է ներկայացվել իրանական «Դոնյայէ Էղթեսադ» կայքում հրապարակված հոդվածում:
Հոդվածում քննարկվել է Հայաստան-Իրան առևտրի դինամիկան, ներկայացվել են ներմուծվող և արտահանվող հիմնական ապրանքները: Անդրադարձ է կատարվել նաև ՀՀ հիմնական առևտրային գործընկերներին:
«Հաշվի առնելով երկու ժողովուրդների պատմական ու մշակութային կապերը՝ Հայաստանի եհտ տնտեսական հարաբերությունների խորացումը շատ կարևոր է Իրանի համար»,- նշվել է հոդվածում:
Հայ-իրանական տնտեսական հարաբերությունների զարգացման համար առաջարկվել է ստեղծել զարգացած ենթակառուցվածքներ, օգտվել նավահանգիստների ընձեռած հնարավորություններից, համատեղ առևտրի պալատ, արդյունաբերության ու առևտրի հարցերով տեղեկատվական կենտրոն ստեղծել, զարգացնել մաքսային համագործակցությունը, ԱՏԳ բացել, սահմանային շուկաներ գործարկել, խրախուսել մասնավոր հատվածի գործունեությունը և այլն:
Հետևեք մեզ տելեգրամում
