Սիրիան հայտարարել է, որ վերսկսում է իր դիվանագիտական առաքելությունը Սաուդյան Արաբիայի թագավորությունում: Այս մասին սիրիական պետական SANA լրատվամիջոցին հայտնել է երկրի արտգործնախարարության պաշտոնական աղբյուրը:
Իր հերթին Սաուդյան Արաբիայի ԱԳՆ-ը հայտարարություն է տարածել՝ նշելով, որ թագավորությունը վերսկսում է դիվանագիտական ներկայացուցչության աշխատանքը Սիրիայում: Նման քայլը հիմնված է Սաուդյան Արաբիայի և Սիրիայի ժողովուրդների միջև «եղբայրական հարաբերությունների» և տարածաշրջանային անվտանգության բարձրացման վրա:
Նշենք, որ օրեր առաջ Արաբական պետություների լիգան հայտարարել էր, որ վերսկսվում է նաև Սիրիայի մասնկացությունը կազմակերպության աշխատանքներին:
Սիրիական ճգնաժամի պատճառով երկար տարիներ Դամասկոսը մեկուսացված էր ոչ միայն միջազգային հանրությունից, այլև արաբական աշխարհից: Կասեցվել էր Սիրիայի անդամակցությունը ԱՊԼ-ին, արաբական շատ երկրներ խզել էին դիվանագիտական հարաբերությունները Սիրիայի հետ՝ այդ թվում Սաուդյան Արաբիան: Սակայն վերջին շրջանում նկատելի է, որ Սիրիան վերաինտեգրվում է արաբական աշխարհին:
Հետևեք մեզ տելեգրամում
