Գարեգին Բ կաթողիկոսը հեռախոսազրույց է ունեցել Երուսաղեմի հայոց պատրիարք Նուրհան արք. Մանուկյանի հետ:
Զրույցի ընթացքում Գարեգին Բ կաթողիկոսը տեղեկացրել է, որ քայլեր են ձեռնարկվում պատրիարքարանի իրավունքները պաշտպանելու և խնդրի հանգուցալուծման ուղղությամբ:
«Ամենայն Հայոց կաթողիկոսը մշտական կապի մէջ է պատրիարքին հետ, եւ Մայր Աթոռ Սուրբ Էջմիածինը կարելի աջակցութիւնը պիտի ցուցաբերէ պատրիարքարանին այս հոլովոյթին մէջ: Այլ մանրամասնութիւններ այս պահուս նպատակայարմար չենք նկատեր հրապարակել»,- նշել է Մայր Աթոռի Տեղեկատվական համակարգի տնօրեն Եսայի քահանա Արթենեանը:
Հիշեցնենք, որ օրեր առաջ Հորդանանի Հաշիմյան Թագավորությունը և Պաղեստինի Ինքնավարությունը համատեղ հայտարարություն են տարածել, համաձայն որի՝ սառեցնում են Երուսաղեմի Հայոց պատրիարք Նուրհան արքեպիսկոպոս Մանուկյանի ճանաչումը: Հայտարարությունում նշվել է, որ պատրիարք Մանուկյանը քայլեր և գործարքներ է իրականացրել, որոնք կազդեն սուրբ քաղաքի ապագայի վրա:
Վերոնշյալը հայկական թաղամասում «Կովերի պարտեզ» անվանումը կրող հողատարածքի՝ հրեա կառուցապատողին 98 տարի ժամկետով վարձակալության հանձնելու մասին է:
Հետևեք մեզ տելեգրամում
