Վրաստանի և Ադրբեջանի արտաքին գործերի նախարարությունների միջև քաղաքական խորհրդակցություններ են անցկացվել: Այս մասին տեղեկացնում է Վրաստանի ԱԳՆ-ը:
Հաղորդվում է, որ քաղաքական խորհրդակցություններին մասնակցել են Վրաստանի փոխարտգործնախարար Լաշա Դարսալիան և ադրբեջանցի իր պաշտոնակից Խալաֆ Խալաֆովը:
Փոխարտգործնախարարները քննարկել են երկու երկրների միջև առկա սերտ համագործակցությունը, ընդգծել տնտեսական, առևտրային, մշակութային և այլ ոլորտներում երկկողմ համագործակցությունն էլ ավելի խորացնելու իրենց պատրաստակամությունը։
Հանդիպմանն անդրադարձ է կատարվել տարածաշրջանում տիրող իրավիճակին, առկա մարտահրավերներին և դրանց լուծման խաղաղ ճանապարհներին։
Կողմերն անդրադարձել են նաև Վրաստանի և Ադրբեջանի միջև պետական սահմանի սահմանազատման հարցին:
Հետևեք մեզ տելեգրամում
