Այսօր Սաուդյան Արաբիայի թագաժառանգ Մուհամմադ բին Սալմանը Փարիզում մասնակցել է Թագավորության կազմակերպած պաշտոնական ընդունելությանն՝ աջակցելով World Expo 2030-ը Ռիադում հյուրընկալելու հայտին:
Պաշտոնական ընդունելությունըշն իրականացվել է Ռիադ քաղաքի թագավորական հանձնաժողովի կողմից՝ Միջազգային ցուցահանդեսների բյուրոյի (BIE) անդամ 179 երկրների պատվիրակների համար, որը պատասխանատու է համաշխարհային ցուցահանդեսների վերահսկման և համակարգման համար:
Միջոցառման նպատակն է ցույց տալ Ռիադի պատրաստակամությունը՝ հյուրընկալելու World Expo 2030-ը: Ներկայացվել են նաև նախագծեր և նախաձեռնություններ՝ նոյեմբերին կայանալիք ԳԱ նիստին ընդառաջ, որի ընթացքում էլ ընտրվելու է ցուցահանդեսը հյուրընկալող երկիրը:
Նշենք, որ 2022 թվականի սեպտեմբերին Սաուդյան Արաբիան պաշտոնապես հայտ էր ներկայացրել՝ World Expo 2030 ցուցահանդեսը Ռիադում հյուրընկալելու նպատակով:
Թագավորությունը նպատակ ունի ցուցահանդեսն անցկացնել 2030 թվականի հոկտեմբերի 1-ից մինչև 2031 թվականի մարտի 31-ն ընկած ժամանակահատվածում՝ «Փոփոխությունների դարաշրջան. միասին հանուն պայծառ վաղվա» խորագրով:
Հետևեք մեզ տելեգրամում
