Իրանական Arannews կայքում «Զանգեզուրի միջանցքի հնարավոր սցենարները» վերնագրով հոդված է հրապարակվել։ Հոդվածում նախ նշվել է Լաչինի միջանցքի արգելափակման հեևանքով առաջացած հումանիտար ճգնաժամը, այնուհետև ընդգծվել է, որ ուկրաինական պատերազմի պատճառով Ռուսաստանի դիրքերը թուլանում են, ուստի Կրեմլն այլևս բավարար ուժ չունի Հարավային Կովկասում և Կենտրոնական Ասիայում իր ցանկալի կարգուկանոնը պարտադրելու համար։
Հոդվածում շեշտվել է, որ Բաքուն, դժվարացնելով Լեռնային Ղարաբաղի բնակիչների կյանքը, ցանկանում է հասնել երեք նպատակի.
• ստիպել Լեռնային Ղարաբաղի ղեկավարությանը հանձնվել,
• ստիպել Հայաստանին ընդունել Զանգեզուրի միջանցքը,
• ստիպել ռուսական խաղաղապահ ուժերին հետ քաշվել։
Անդրադառնալով «Զանգեզուրի միջանցքի» խնդրին՝ հոդվածում նշվել է, որ, թեև Արդբեջանի նպատակը Լեռնային Ղարաբաղի վրա վերահսկողություն հաստատելն էր, այնումենայնիվ, հիմնանպատակը «Զանգեզուրի միջանցքն» է։
Հոդվածում տեսակետ է ներկայացվել, համաձայն որի՝ «Զանգեզուրի միջանցքի» շուրջ Թուրքիայի ու Ադրբեջանի հավակնությունները տապալելու միակ խոչընդոտը Ռուսաստանի և Իրանի խորը կապն է: Այս համատեքստում նշվել է, որ Ռուսաստանը խաղում է երկու կողմերի հետ, իսկ Իրանը ցանկանում է պահպանել երկու երկրների տարածքային ամբողջականությունը։
Հոդվածի ամփոփիչ մասում Հարավային Կովկասի զարգացումների երկու հնարավոր սցենարներ է ներկայացվում․
առաջին սցենարը կապված է Ուկրաինայում Ռուսաստանի հաղթանակի հետ: Դրանից հետո հնարավորություն է ստեծվում Մոսկվայի և Թեհրանի հարաբերությունների խորացման համար, որը կհակազդի Ադրբեջանի աճող ազդեցությանը։ Այս համատեքստում ռուսական խաղաղապահ ուժերը կկարողանան վերականգնել վերահսկողությունը Լաչինի միջանցքի նկատմամբ։ Իրանն ու Հնդկաստանը կսկսեն զենք վաճառել Հայաստանին, իսկ «Զանգեզուրի միջանցքի» հարցը կհանվի։
Իսկ երկրորդ սեցանարն առնչվում է Ուկրաինայում Ռուսաստանի պարտությանը և Իրանից զենքի արտահանման դեմ կոշտ պատժամիջոցների կիրառմանը։ Սա կամրապնդի Ադրբեջանի և Թուրքիայի դիրքերը «Զանգեզուրի միջանցքով» անցնելու հարցում՝ ավելի թուլացնելով Ռուսաստանի ազդեցությունը Հարավային Կովկասում և նվազեցնելով Իրանի ազդեցությունը տարածաշրջանում»։
Հետևեք մեզ տելեգրամում
