ԱՄՆ-ն աջակցում է Հայաստանին և Ադրբեջանին տևական ու արժանապատիվ համաձայնության հասնելու ուղղությամբ կատարվող աշխատանքին: Այս մասին Twitter-ում գրառում է կատարել ԱՄՆ պետքարտուղար Էնթոնի Բլինքենը:
«Այս շաբաթ Արտաքին հարաբերությունների ազգային ուսումնական կենտրոնում հյուրընկալեցի արտգործնախարարներ Արարատ Միրզոյանին և Ջեյհուն Բայրամովին խաղաղ բանակցությունների համար:
Մենք աջակցում ենք Հայաստանին և Ադրբեջանին, որոնք համատեղ աշխատում են տևական և արժանապատիվ համաձայնության հասնելու ուղղությամբ։ Երկխոսությունը կայուն խաղաղության հիմքն է»,- գրել է Բլինքենը:
Ավելի վաղ տեղեկացրել էինք, որ ՀՀ ԱԳ նախարար Արարատ Միրզոյանն աշխատանքային այցով մեկնել է Վաշինգտոն, որտեղ հունիսի 27-ից մեկնարկել է Հայաստանի և Ադրբեջանի միջև հարաբերությունների կարգավորման մասին պայմանագրի շուրջ քննարկումների հերթական փուլը:
Հետևեք մեզ տելեգրամում
