Եթե «Զանգեզուրի միջանցքով» Ադրբեջանից Թուրքիա գազատար կառուցվի, ապա Իրանի գազային եկամուտների կորուստը կարող է շատ մեծ լինել։ Նման տեսակետ է ներկայացվել իրանական Tahlilbazar կայքում հրապարակված հոդվածում:
Համաձայն հոդվածի՝ Իրանը, բնականաբար, դեմ է «Զանգեզուրի միջանցքի» ստեղծմանը։ Այս համատեքստում հիշեցվել է, որ Թուրքմենստանից Իրանի տարածքով դեպի Թուրքիա, այնուհետև Եվրոպա գազատարի նախագիծը 2017 թվականին արգելափակվել էր ֆինանսական խնդիրների պատճառով։ Իսկ Թուրքմենստանն այժմ կարող է գազ արտահանել Եվրոպա Ադրբեջանի տարածքով, ինչը նույնպես կորուստներ է պատճառելու Իրանին։
Նշվել է նաև, որ «Զանգեզուրի միջանցքի» կառուցմամբ՝ տարածաշրջանում կթուլանա նաև Իրանի քաղաքական ազդեցությունը և տնտեսական բացասական հետևանքներն անխուսափելի կդառնան:
Հետևեք մեզ տելեգրամում
