Ադրբեջանական հեռուստաընկերությունը Հայաստանը ներկայացնում է որպես Ադրբեջան․ ՀՀ ԱԳՆ խոսնակ

Ադրբեջանական «Բաքու» հեռուստաընկերությունը եղանակի տեսության ժամանակ Հայաստանը ներկայացնում է որպես Ադրբեջան։ Այդ մասին գրում է ՀՀ ԱԳՆ մամուլի խոսնակ Անի Բադալյանը Twitter-ի իր միկրոբլոգում:

«Հարևան երկրի ինքնիշխանության նկատմամբ տարածքային հավակնությունների ևս մեկ բացահայտ քարոզչություն. «Բաքու» հեռուստաընկերության եղանակի տեսության ժամանակ Հայաստանի Հանրապետությունը, ներառյալ մայրաքաղաք Երևանը, ներկայացվում է որպես Ադրբեջան։ Հիվանդ պատրանքները և թշնամական հռետորաբանությունը պետք է կտրականապես մերժվեն»,- գրել է Բադալյանը։

Yet another open propaganda of territorial claims towards sovereignty of the neighbor country: weather broadcast on Baku TV shows Republic of #Armenia🇦🇲, incl capital Yerevan, as Azerbaijan. Sick illusions & hostile rhetoric put on show, should be categorically rejected! pic.twitter.com/Tb0z8Wm1O7
— Ani Badalyan, 🇦🇲 MFA Spokesperson (@ArmSpoxMFA) July 6, 2023