Սաուդյան Արաբիայի թագաժառանգ Մուհամմադ բին Սալմանը և Թուրքիայի նախագահ Ռեջեփ Էրդողանը Ջիդդա քաղաքում բանակցություններ են անցկացրել, որոնց ընթացքում կողմերի միջև ստորագրվել են փոխըմբռնման մի շարք հուշագրեր:
Փոխըմբռնման հուշագրերը ներառում են էներգետիկայի, պաշտպանական արդյունաբերության, հետազոտության և զարգացման, ներդրումների և ԶԼՄ-ների ոլորտները: Ստորագրվել է ևս երկու պայմանագիր թուրքական «Baykar» պաշտպանական ընկերության հետ:
«Պաշտպանության նախարարության և «Baykar» ընկերության միջև ստորագրվել է երկու պայմանագիր, համաձայն որի՝ նախարարությունը ձեռք կբերի անօդաչու թռչող սարքեր՝ նպատակ ունենալով բարձրացնել թագավորության զինված ուժերի պատրաստվածությունը և ուժեղացնել պաշտպանական և արտադրական կարողությունները»,- նշված է Սաուդյան Արաբիայի պաշտպանության նախարար Խալիդ բին Սալմանի Twitter-ում կատարված գրառման մեջ:
Ինչպես հաղորդում է Al Arabiya-ն, կողմերը անդրադարձել են տարածաշրջանային և միջազգային զարգացումներին և այդ հարցերի ուղղությամբ գործադրվող ջանքերին։
Հետևեք մեզ տելեգրամում
