Իսրայելում բողոքի ցույցերը շարունակվում են. կան ձերբակալվածներ (լուսանկար)

Իսրայելում դատաիրավական բարեփոխումների դեմ անցկացվող ցույցերի ժամանակ ձերբակալվել է 19 ցուցարար: Նրանք մեղադրվում են հասարակական կարգի խախտման մեջ:

Ինչպես հայտնում է «The Times of Israel» պարբերականը, ոստիկանությունը փակել է Երուսաղեմի Ազզա փողոցի մեծ մասը:

Ճանապարհներն ընդհանուր առմամբ փակ են տրանսպորտային միջոցների համար, իսկ վարչապետ Բենիամին Նեթանյահուի առանձնատան դիմացի հատվածը փակ է նաև հետիոտների համար: