Իլհամ Ալիևը վստահեցրել է, որ իրենք չեն ձգտի փակել Իրանի և Հայաստանի պատմական ուղին: Այս մասին հայտարարել է Իրանի ԱԳ նախարար Հոսեյն Ամիր Աբդոլլահիանը՝ ՀՀ արտգործնախարար Արարատ Միրզոյանի հետ Թեհրանում ունեցած հանդիպման ավարտին կայացած մամուլի ասուլիսի ժամանակ:
Աբդոլլահիանը նշել է, որ Հարավային Կովկասն առանձնահատուկ նշանակություն ունի Իրանի համար և իրենք ողջունում են այս տարածաշրջանի երկրների մերձեցումը։ Նրա ողջունել է Հայաստանի և Ադրբեջանի միջև խաղաղ բանակցությունների առաջընթացը:
«Չմիավորման շարժման շրջանակներում իմ հանդիպումն Ադրբեջանի նախագահ Ալիևի հետ, այսօրվա հանդիպումը Հայաստանի արտգործնախարարի հետ և Հայաստանի վարչապետի հետ վերջին հանդիպումը կարելի է դիտարկել որպես կովկասյան տարածաշրջանում կայուն խաղաղություն և անվտանգություն ստեղծելու Իրանի քայլերից մեկը։ Թեհրանը և Երևանը կարևորում են տարանցիկ ուղիները։
Իլհամ Ալիևը վստահեցրել է, որ իրենք չեն ձգտի փակել Իրանի և Հայաստանի պատմական ուղին (ճանապարհը)»,- Իրանի արտգործնախարարի խոսքերը մեջբերում է IRNA լրատվամիջոցը:
Հետևեք մեզ տելեգրամում
