Թուրքիայի նախագահ Ռեջեփ Թայիփ Էրդողանը Ռուսաստան մեկնելուց առաջ անդրադարձել է ԱՄՆ-Թուրքիա համաձայնությանը, որով Սիրիայի հյուսիսում 120 ժամով հրադադար էր հաստատվել: Նա նշել է, որ եթե ԱՄՆ-ն Թուրքիային տված խոստումը չպահի, իրենք «Խաղաղության ակունք» ռազմական գործողությունը ավելի մեծ վճռականությամբ են շարունակելու: Նշենք, որ ըստ թուրք-ամերիկյան համաձայնության, հրադադարի ընթացքում քրդական ուժերը պետք է հեռանան այն տարածքից, որտեղ Թուրքիան նախատեսում է անվտանգության գոտի ստեղծել:
Էրդողանն ընդհանուր տեղեկություն է տվել ռազմական գործողության արդյունքների մասին՝ նշելով, որ Սիրիայի հյուսիսում այս պահի դրությամբ 2200 քկմ տարածք մաքրվել է «ահաբեկիչներից», 160 բնակավայր անցել է ԹՀ ԶՈՒ վերահսկողության տակ, վնասազերծվել է 775 «ահաբեկիչ», սպանվել է ԹՀ ԶՈՒ 7 զինվոր, «Սիրիայի ազգային բանակի»՝ 79 զինյալ, ինչպես նաև 20 խաղաղ բնակիչ, որոնք Թուրքիայի քաղաքացիներ են:
Հոկտեմբերի 22-ին ռուս գործընկերոջ՝ Վլադիմիր Պուտինի հետ հանդիպման օրակարգին անդրադառնալով՝ Էրդողանը նշել է, որ քննարկելու են քայլերը, որոնք պետք է ձեռնարկել բացառելու համար քրդական ուժերի ներկայությունը այն վայրերում, որոնք գտնվում են Սիրիայի կառավարական ուժերի վերահսկողության տակ:
Թուրքիայի ղեկավարը հավելել է, որ Ռուսաստանը և Թուրքիան ահաբեկչության բոլոր դրևսորումների դեմ պայքարի հարցում համակարծիք են:
Էրդողանը սպառնացել է ԱՄՆ-ին
Հետևեք մեզ տելեգրամում
