Սոչիում մեկնարկել է Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի հանդիպումը։ Այս մասին տեղեկացնում է թուրքական TRT Haber լրատվամիջոցը:
Հանդիպման՝ մամուլի համար բաց հատվածում Էրդողանը նշել է, որ Թուրքիա-ՌԴ առևտրաշրջանառությունն այս պահին 62 միլիարդ դոլլար է և իրենց ուրախացնում է այն, որ գնում են դեպի 100 միլիարդ դոլարին։ Նա հավատ է արտահայտել առ այն, որ երկու երկրների կենտրոնական բանկերի նախագահների այսօրվա հանդիպումը կարևոր է լինելու երկկողմ հարաբերություններում տեղական դրամական միավորին ուղղված քայլ կատարելու հարցում։
Շեշտելով, որ բոլորն սպասում են հացահատիկային միջանցքի հետ կապված հանդիպման արդյունքին՝ Էրդողանը հույս է հայտնել, որ հանդիպումից հետո իրենց հղած ուղերձը շատ կարևոր է լինելու աշխարհի, մասնավորապես աֆրիկյան քիչ զարգացած պետությունների համար։
Նշել է, որ անդրադառնալու են պաշտպանական արդյունաբերության ոլորտում իրենց կատարելիք քայլերին, էներգետիկ ոլորտին։
Հետևեք մեզ տելեգրամում
