ԱՄՆ պետքարտուղար Էնթոնի Բլինքենը հայտարարություն է տարածել Լեռնային Ղարաբաղ մարդասիրական օգնության մատակարարման վերաբերյալ:
«Մենք ողջունում ենք այսօրվա մարդասիրական ապրանքների միաժամանակյա առաքումը Լաչինի միջանցքով և Աղդամի ճանապարհով դեպի Լեռնային Ղարաբաղ, մի մոտեցում, որը նախագահ Ալիևը և ես վերջերս քննարկել ենք։
Խիստ անհրաժեշտ պաշարների այս մատակարարումները կարևոր առաջընթաց են, և մենք խրախուսում ենք կողմերին ներգրավվել ուղիղ բանակցություններում և կենտրոնանալ տարածաշրջանի բնակչությանը մարդասիրական մատակարարումների հոսքն ավելացնելու ուղիների վրա:
Միացյալ Նահանգները հավատարիմ է մնում Հայաստանի և Ադրբեջանի միջև երկարամյա խնդիրների լուծման աջակցությանն ու արժանապատիվ և երկարատև խաղաղության հասնելու ջանքերին»,- նշված է հայտարարության մեջ:
Հետևեք մեզ տելեգրամում
