Լեռնային Ղարաբաղից Հայաստան հոկտեմբերի 2-ի դրությամբ տեղափոխվել է բռնի տեղահանված 100 հազար 520 անձ: Այս մասին հայտնել է Հայաստանի վարչապետի մամուլի քարտուղար Նազելի Բաղդասարյանը «Հումանիտար կենտրոն»-ում կայացած ասուլիսում:
«Նախորդ օրվանից ցուցանիշը գրեթե չի փոխվել և սա նշանակում է, որ մարդկանց հոսքը հիմնականում դադարել է և Լեռնային Ղարաբաղում մնացել են պաշտոնատար անձինք և բնակչության որոշ զանգված։ Հակարիի կամուրջը հատել է 21 հազար 107 տրանսպորտային միջոց»,-ասել է Բաղդասարյանը:
Նրա խոսքով՝ արդեն հաշվառում են անցել 89 հազար 107 անձ։
Հետևեք մեզ տելեգրամում
