Իսրայելի վարչապետ Բենյամին Նեթանյահուն ամրապնդել է իր դիրքերը վերջին ընտրությունների արդյունքում, սակայն կրկին չունի կառավարություն ձևավորելու համար անհրաժեշտ ձայներ։
Իսրայելում ընթացան խորհդարանական ընտրություններ: Չնայած երկրում կորոնավիրուսի 12 հաստատված դեպքերին և 5000 իսրայելցիների մեկուսացման փաստին՝ ընտրություններում մասնակցությունն ամենաբարձրն էր վերջին 20 տարիների ընթացքում:
Ընտրություններում հաղթանակ տարավ աջակողմյան քաղաքական դաշինքը՝ վարչապետ Նեթանյահուի գլխավորությամբ: Այն կզբաղեցնի նորընտիր խորհրդարանի տեղերի մեծ մասը: Ընդդիմադիր կենտրոնամետ դաշինքին՝ Բենի Գանցի գլխավորությամբ չհաջողվեց հաջողության հասնել, սակայն վարչապետ Նեթանյահուն դեռևս չունի անհրաժեշտ քանակությամբ ձայներ կառավարություն կազմելու համար:
Երկու շաբաթից դատարանում կմեկնարկեն լսումներ Նեթանյահուի հետ կապված կոռուպցիոն սկանդալի շուրջ: Այս գործն իր ազդեցույունն է թողնում վարչապետի վարկանիշի վրա:
Վերլուծաբանների կարծիքով, այս վերջին ընտրություններն աչքի ընկան չափազանց թշնամաբար տրամադրված պայքարով: Դրանք, ըստ նրանց, բացասական ամենամեծ բովանդակությունը պարունակող ընտրություններն էին Իսրայելի պատմության մեջ: Երկու կողմերն էլ փորձում էին վարկաբեկել միմյանց:
Նեթանյահուին կհաջողվի ձևավորել կառավարություն, եթե ընդդիմադիր մեկ կամ երկու անդամներ միանան իշխող դաշինքին: Մյուս տարբերակն է ընդդիմության ներգրավվումը ի դեմս՝ Բենի Գաթցի կոալիցիոն կառավարության կազմում:
Հետևեք մեզ տելեգրամում
