Գազայի հատվածի Խան Յունիս քաղաքում գտնվող Նասեր հիվանդանոցի շտապ օգնության բժիշկը Aljazeera-ին հայտնել է, որ գիշերը տասնյակ մարդիկ են զոհվել Իսրայելի օդուժի ավիահարվածների պատճառով:
«Իսրայելը թիրախավորում է երեխաներին», – ասել է աշխատակիցը՝ գրկում պահելով մի նորածնի մարմին:
«Մենք բոլորս քնած էինք և երբ արթնացանք վաղ առավոտյան՝ աղոթելու, անմիջապես հարվածեցին մեր տանը, որի ներսում 40 հոգի էին՝ մեծահասակ ու երիտասարդ:
Հանկարծ ամբողջ թաղամասը ավերակ դարձավ։ Այն տեսարանները, որոնց ականատես եղա, աննկարագրելի էին, ամեուրեք մահացածների մարմիններ են»,- պատմել է ականատեսներից մեկը:
Հետևեք մեզ տելեգրամում
